登台歌酬加五成 趙碩之谷盡導彈胸襲紐約

趙碩之無懼恐怖襲擊，今日與黎耀祥齊赴紐約登台，據知其酬勞急升50%，難怪她懶理危險，日前更秘密試靚衫，實行谷到盡報答主辦商。

自從拉登被殺後，美國境內均擔心會有新一輪恐怖襲擊，但趙碩之偏偏在今天與黎耀祥齊赴紐約登台！她直言不擔心安全問題，因為目前以工作第一，沒有事重要得過搵真銀：「今次係第三次去，目前嚟講我覺得工作好緊要，冇嘢緊要得過做嘢！屋企人都信得過我識照顧自己，咁仲有經理人陪我嘛！」為今次登台，碩之事前做足準備，日前秘密試衫，谷胸上陣再「攝攝吓」，巨咪相當矚目。

練定三語歌冧觀眾

問到為何如此搏命？碩之透露今次酬勞「大升呢」加足50%，令她非常滿意：「未知係咪就嚟推出寫真，主辦商對我好好！（加得多就性感啲？）咁又冇要求喎！但我都會做到足，會有啲養眼嘅打扮，總之係以最靚一面示人。」

碩之今次會與黎耀祥合唱，她大讚對方聲線很動聽，故不可以偷懶，並早已練定多首廣東歌、英文歌及國語歌，以迎合不同觀眾口味。雖然並非首次到賭城，她坦言向來不愛賭錢，不捨得將辛苦錢用作賭博，但會一試運氣，順道大開眼界。