上海蒲Club遭老外推開 超儀自嘲：除衫都冇用

超儀自爆早前去上海蒲Club，看Model跳桌上舞時被老外推開，更自嘲幾十歲除衫都冇用！

何超儀、鄭希怡和杜如風等前晚出席本地著名時裝品牌izzue活動，超儀以橫間露背連身裙亮相，任影唔嬲，記者笑她是名副其實的西班牙影「後」，她則自嘲：「我係西班牙烏蠅！」她表示經常相約好姊妹敍舊，也經常煲電話粥，問到有否講是非？她則表示只談女人經：「我哋好執着外表，仲成日挑剔大家着衫，總之我哋成班八婆只講衫、講食兼講減肥！」

至於會否互(目及)對方伴侶？她坦言不會刻意：「係天性！（有冇一齊溝仔？）幾十歲點溝仔？邊有人理！我早前去上海朋友間Club度，當時我着羽絨，點知有個Model跳上枱跳舞，雖然我唔係好高，但有個外國人覺得我阻住佢，仲一手推開我。（檢討？）除都冇用，我入面都有件冷衫，我呢個年紀冇用！」她笑言最興是該Model在她的飲品上跳舞。

鄭希怡做包租婆

至於鄭希怡坦言早前長期在內地拍劇，甚少在港，問到是否回港搶灘，她直認不諱。至於有傳她在內地頻拍劇而變小富婆，她則反問記者何謂小富婆，並說：「我喺上海有買樓，千幾呎，百幾萬，因為父母都喺上海住，我想佢哋好啲，而且我覺得上海升值能力大，依家當收租！（有幾多物業？）唔講！總之努力啲！」