宋芝齡與男友街頭開火
精通韓語、港姐出身的宋芝齡緋聞不多，但日前晚上她與一名踢拖的男伴在銅鑼灣街頭嗌大交。期間宋芝齡忟憎得黑面怒睥男方外，又邊行邊擰轉頭繼續鬧，其後兩人步往渣甸街方向時雖暫時「停戰」，但當到達大廈門外，她與男伴再「翻吵」，情緒激動的她嬲得撇下男方獨自上樓，一臉無奈的拖鞋男，頭耷耷走人。
事後記者聯絡宋芝齡，她說：「個男仔係我男朋友嚟，佢係馬來西亞人，因為大家文化背景唔同，咪有拗撬囉！但都係小事嚟啫！冇傷感情嘅。（男方係結婚對象？）未知，我哋都係年初識，拍咗幾個月拖啫！我都30歲，呢個年齡嘅女人都想嫁嘅，但都要畀時間大家慢慢再了解吓。」
宋芝齡與男友在街頭嗌交，相當忟憎。