嘉亨豪擲300萬 搞童話百日宴

李嘉欣與許晉亨昨晚豪花300萬元，為愛兒許建彤（Jayden Max）在君悅酒店筵開23席搞百日宴，更擺放一個由小JM化身的巨兔裝飾！

嘉亨為愛兒小JM搞百日宴，除了吸引逾百傳媒外，還有馬清偉與女友、榮文蔚表妹鄭詩韻伉儷、吳君如及陳善之撐場，昨晚收到逾百萬元人情全數捐作慈善。現場售賣慈善獎券及由積家錶送出全球獨一無二的腕錶作拍賣，善款將撥捐JMJ Children's Charitable Foundation。傍晚6時許，嘉欣身穿Carolina Herrera晚裝配鑽飾接受訪問：「囝囝鍾意玩泡泡同口水，主題係Happy同慈善，希望有童真，喺日本請嚟氣球藝術家Daisy Balloon設計充滿泡泡嘅童話世界！（百日宴花費幾多？）肯定過百萬！」

百日宴選用西式Fusion菜式，包括燕窩湯及鵝肝，全由亨亨包辦，對於有傳因選菜而與奶奶爭拗，嘉欣說：「奶奶都問我點解有呢啲傳聞！（唔抱小JM見大家？）太多閃光燈！（你瘦咗好多？）仲差少少！依家成日想睇住BB，半夜都想睇佢，緊張啲！（BB難唔難湊？）唔算棘手！老公當佢公仔咁攪亂檔，換片由我負責，老公唔會做，我都唔放心！有次佢戴住眼鏡錫BB，差1mm就刮到BB塊面！」

君如拒上契

嘉欣受訪期間，其老爺奶奶抵達酒店，嘉欣指老爺奶奶低調，故沒有合照：「BB性格好溫馴，唔似自己！」她表示小JM似足許家男丁，大眼睛則似足自己。訪問結束後，亨亨拖着嘉欣返回酒店。由於嘉欣生完BB後曾做手術，故不宜餵人奶，而她並非選用日本奶粉。至於由康城返港的君如表示，在法國買了衫仔及封了大利是給小JM，但不會與小JM上契：「嘉欣係新手媽咪，不過佢一定合格！」