Baby升呢唔靠明氣

Angelababy與男友黃曉明今年齊躋身福布斯2011中國名人榜，曉明今年排11位，但Baby否認排88位全靠緋聞！

昨日，模特兒Baby在海港城出席《Admit Your Love》2011廣告發布會，打扮明顯老成的她說：「我係第三年為海港城做代言人，着得老成少少代表我長大咗！（酬勞長大咗？）都係跟通脹加，而拍戲嘅片酬就係隨住我努力增加，但唔會好高，自己仲係新人，唔想嚇走晒啲人！」

至於黃曉明榮升福布斯2011中國名人榜第11位？她說：「我自己都有排名，我排第88，都有進步空間。（覺得曉明排第11位好勁？）當然好勁，我由識佢到依家，佢都係好勁！（覺得自己靠緋聞上位？）覺得有八成係因為我有努力，兩成係其他原因，我經理人Kim都有份。（曉明喺你心中有幾勁？）佢無論個人事業同理財方面都好勁！我希望下年喺榜嘅排名繼續向前行（諗過追貼曉明排名？）隨緣，唔想畀太大壓力自己。」

Baby坦言心目中的「Baby榜」是自己排第一，問到曉明排第幾？她說：「你哋問佢，唔識答。總之所有我識嘅人都係排第一，個個對我都好重要！」

期待與陳可辛合作

另外，她透露近日連接三部電影，非常期待電影《武俠》，因為很想與陳可辛合作：「好耐之前已經鍾意佢，呢個係一個好機會，錢唔係問題，唔收錢都得。對演員嚟講，有啲戲係賺錢，有啲戲係學習。（同曉明合作貼錢都肯？）要問Kim。」