Jeana凸圍搶佘瑤「峰」頭
離巢外闖的佘詩曼擔任電影《人約離婚後》女主角，昨日阿佘、方力申（小方）及楊梓瑤（Carol）等出席電影宣傳活動，其中打扮密實的Carol輸給露出四吋「事業線」的何佩瑜（Jeana），不過她力撐密實有理：「又唔係我做主角，要分莊閒吖嘛！（暗寸Jeana？）係咩？我冇見到佢，可能今日好熱！」而Jeana則表示與小方拍親熱戲既緊張又興奮，直言「嗒晒糖」：「我都係第一次拍親熱戲，但覺得出嚟效果好好。（愛上小方？）我拍戲好投入，大家都有選擇權！」
而小方在戲中艷福無邊，雖周旋在數女之間，但最令他吃不消的竟是「又長又搶」的對白。問到要否「備案」知會某人？他即詐傻說：「我有同身邊朋友分享套戲，不過冇講得咁Detail！」
Jeana奇「峰」凸出成為焦點！