張梓琳情牽發哥

07年世界小姐冠軍張梓琳以性感Deep V露腿裝現身康城，胸前更險失守！在新片飾演女媧的她與「玉帝」周潤發沒有對手戲，令她大感可惜。

張梓琳昨日身穿LV低胸露背晚裝，現身星皓電影《大鬧天宮》在康城影展的攤位，露出左邊美腿大Sell性感，受訪時更因動作多多而險走光！在片中飾演女媧的她為演活女神美態，事前特地美容瘦身，希望做到零瑕疵，不過其角色並非花瓶，拍攝過程頗辛苦：「要配合電腦效果，所有場面我都要吊高，最辛苦係一場女媧補天，吊高仲要不停旋轉，一落地就跌低！」

電腦執到同場

她表示接演《大》片的主要原因是偶像周潤發亦有參演，但遺憾兩人沒有對手戲，她希望有機會再合作：「我哋各演各，冇見過面，有啲可惜！不過經過電腦效果後，我哋有同場，都好啦！」有傳其角色是執張栢芝二攤，張梓琳表示昨天才知道：「佢係個好演員，好彩我依家先知，唔係一定緊張好多！」有指影展結束前，張梓琳的女媧造型會曝光，她表示十分期待。

對於各大紅地氈的焦點都集中在李冰冰及范冰冰身上，張梓琳表示不介意：「佢哋係前輩，大家都係華人同歐萊雅代表，佢哋受歡迎，我都驕傲！」其實張梓琳亦頗受外國傳媒歡迎，更有人將她跟章子怡比較。