鄭融讚老外男友風趣
與音樂人莊冬昕甩拖後，鄭融最近再有新戀情，與相識多年的外籍中學同學拍拖。昨日她到電台宣傳新碟時，談及男友即甜到漏，並指他雖不懂中文，但仍會買其新碟支持：「音樂無分語言嘛！（出英文碟？）睇公司安排，可以開拓美加巿場。」她形容二人仍是「初階段」，笑言過到3個月很好彩：「我唔係介意公開，但佢係圈外人，要顧及佢嘅工作，希望盡量低調。」問到是否為保護戀情而遷入馬灣，她說：「搬咗好耐，畀人知道好冇癮，之前游水畀人影都好緊張，因為着住泳衣，但佢（指男友）好風趣，話要叫記者登之前執佢黑啲，同埋影正面有腹肌好啲！」
