湯盈盈笑錢嘉樂摸籮
無綫藝員湯盈盈與錢嘉樂這對緋聞男女已是公認的一對，早前在吉隆坡拍電影的嘉樂被拍得有女性相伴，盈盈昨日出席活動時輕鬆地說：「恭喜佢有緋聞啦！靚仔至有緋聞o架！（秘密拍拖四年？）我好細個就上《獎門人》，好多朋友識咗好多年。（信佢？）朋友就梗係信任啦！我睇啲相唔覺得似拖手，似摸『籮柚』囉！哈哈！」
問到是否對「男友」很有信心？她坦言要有自信人才會靚，還叫嘉樂想保持靚仔，就要保持有緋聞。
此外，昨日出席的還包括明珠台《港生活．港享受》主持宋熙年、信和集團商場推廣總經理蘇蔡潔蓮及其兒子蘇頌輝等，其中蘇頌輝擔任活動主持，大方淡定，十分稱職。
湯盈盈自信爆燈，叫錢嘉樂多搞緋聞。
宋熙年（左起）、蘇頌輝及蘇蔡潔蓮一同出席活動。