陳嘉桓學江若琳按摩升「胸」

歌手江若琳與陳嘉桓昨日齊以低胸裙出席《Lancome水漾發布會》，豐胸後由A Cup升至B Cup的江若琳信心爆棚地說：「我之前覺得自己係半個男人，依家突然長大咗，啲女性賀爾蒙出晒嚟！」問到會否轉走性感路線，她笑說：「唔係我嗰科！（會唔會着Deep V？）未得住，仲要努力按胸！因為細個唔識着內衣，加上鍾意跳Hip Hop，依家要換過晒啲內衣呀！（多咗狂蜂浪蝶？）冇，有都唔恨！」至於陳嘉桓則表示與江若琳各有各靚，更揚言會效法她按摩豐胸：「我會試但唔會刻意去騷！總之我點都唔會着三點式！」

此外，零睇頭的樂曈與「高妹」陳嘉桓合照時，明顯矮了一截，樂瞳尷尬地說：「冇辦法，身高係阿媽生成！」並揚言生得「的骰」更易受宅男愛戴：「大男人天性係鍾意保護女人！」問到擇偶條件？她斷言只愛高大威猛的熟男，又乘機澄清與同劇拍檔兼港男陳偉洪的緋聞：「根本唔係呢回事！佢同我細佬一樣年紀，我唔接受細過我嘅男仔，亦唔覺得佢追我。」更澄清目前單身。