周家蔚結婚等天意

周家蔚、洪天明拍拖多年一直被催婚，原來他們早於08年已在親友見證下訂婚，至於是否今年7月拉埋天窗？家蔚表示由上天安排。

周家蔚、洪天明早已是公開的一對，但一直未定婚期，昨日有指二人於7月在馬爾代夫舉行婚禮，家蔚承認有想過，但未落實：「因為我好想我媽咪、好朋友都出席婚禮，分享喜悅，所以最重要睇佢哋有冇時間出席，7月結婚嘅成數只得一半。」

08年已訂婚

原來，家蔚早於08年8月，已成為天明的未婚妻，當日天明與爸爸洪金寶、繼母高麗虹、好友曾志偉、湯盈盈及梁靖琪等，帶家蔚到馬爾代夫度假兼慶祝她生日。在行程最後一晚，於眾人見證下，天明向家蔚浪漫求婚，家蔚說：「嗰晚天明攞住個蛋糕出嚟，我已經覺得奇怪，明明之前已經食咗，但睇真啲蛋糕上面竟然有隻戒指，佢突然跪低向我求婚，我好感動，喊咗出嚟，應承咗佢。（佢有乜承諾？）佢話三年後娶我。」

轉眼三年，天明雖然忙於工作，但未忘承諾，有指他欲於7月在馬爾代夫舉行婚禮，惟家蔚坦言不急於結婚：「其實個天已經安排咗我認識天明，又安排咗上次嗰個驚喜訂婚，所以我都唔急住要結婚，佢幾時娶我，由個天安排啦！」