紅姑自稱冇人追感情隨緣
鍾楚紅（紅姑）息影多年，仍有一大班Fans期望她復出拍電影，但她卻抱着隨緣心態，現時投入拍廣告，昨日她佩戴逾千萬元鑽飾，以代言人身份出席reenex X 鍾楚紅（三年不老）記者會時說：「一向都有人斟我復出拍戲，我研究吓啦！但我一向都幾決絕。（點先可以吸引你出山？）冇諗過，隨緣啦！其實我事業得十年左右，時間好短，我都冇拍戲成十幾廿年，真係好多謝觀眾冇忘記我，仲咁愛戴我呀！」紅姑笑言身上鑽飾非私伙，只是贊助。此外，她表示廣告拍攝當天有24小時沒有睡覺，但卻很開心，對於酬勞也滿意：「我唔會接拍好多廣告，因為我都好揀擇。」問她有否追求者時，她說：「邊有咁易！（你會唔會抗拒追求者？）唔知呢！」
穿上露背裙的紅姑，美麗如昔。
紅姑出席代言活動，大批傳媒到場訪問。