祖兒擲5位數變雪條

容祖兒、楊思琦、曾華倩、陳偉霆（William）及杜汶澤等前晚錄影無綫節目《華麗明星賽》，祖兒身穿一襲價值5位數字的長裙，自嘲十足一條雪條。芸芸對手中，她覺得鄧梓峰是黑馬：「我覺得鄧梓峰個人夠搞笑，加上博學多才，唔可以睇小！」她表示有關心早前涉醉駕的蔡一傑：「我有叫佢小心，佢話交晒畀律師處理。」

William讚阿Sa夠慳

另外，問到可覺得自己是港女？祖兒笑說：「我喺香港出世，唔知算唔算！（平反？）咁女仔獨立自主有咩問題？遇到真愛就會全心付出，女仔好簡單！」

至於William則擔心拍檔曾華倩的甫士太放，問到上節目前可有請教女友蔡卓妍（阿Sa）？他說：「我有喺屋企練過數銀紙，佢呢樣嘢（數錢）好準。（怕佢對錢敏感？）佢數得叻啫！其實佢好慳，一啲都唔大使！（鍾意佢夠慳？）都係優點之一！」

另一方面，曾華倩則自覺打扮得恰如淑女，但被嘲一笑就儀態盡失：「其實我好少出席遊戲節目，好似獎門人嗰啲我體力負荷唔到，同埋驚身材太好搶鏡！（William驚你太放喎？）咁我檢點啲，佢細路仔未見過姐姐！」