李蕙敏堅稱冇財困

九十年代以二人組合闖樂壇的李蕙敏（Amanda），繼早前被傳拖欠百萬卡數後，昨午再有讀者爆料指，她在兩名彪形大漢陪同下進入尖沙咀一間信貸資料公司內，本報向Amanda查詢，她否認去借錢，更堅稱財政冇問題！

現年四十歲的Amanda，近年鮮有公開露面，早前被傳工作量銳減而入不敷支，更誇張地傳她多番向友人借錢及欠下街數！昨日一名讀者電郵兩段短片到本報，聲稱昨午二時半，目擊Amanda於尖沙咀在兩名大漢陪同下，步入專辦財務資產評估的「環聯資訊有限公司」大廈內，更指她辦完登記手續等候期間，跟兩名大漢說：「依家等緊，唔好咁急！」而短片內清楚看到一頭金髮、戴黑超，身穿白色外套襯紅色長裙的Amanda，手拿一疊文件行色匆匆由一間房走到另一間房，另一段短片則看到Amanda手拿文件等候電梯離開。

「我得一張信用卡！」

面對種種負面傳聞，Amanda日前在微博澄清雜誌報道。記者昨日就此事致電求證，她亦氣定神閒地說：「我係上過去嗰棟大廈，但冇彪形大漢！嗰間係正經公司，我去幫媽咪Check私人嘢，呢啲係家事同私事，詳情唔方便透露，總之唔係你哋諗咁！我經濟冇問題，生活得好好！」Amanda亦透露最近常往返內地及澳門的酒店做騷，收入穩定。

對於慘被傳言指欠下卡數被「大耳窿」追數，Amanda自稱只得一張信用卡，故不可能會如傳聞中欠下巨額卡數，因擔心個人資料被盜用，故第一時間聯絡銀行了解，銀行證實其信用卡沒問題，並建議她報警求助，Amanda隨即在律師陪同下，以保障個人私隱原因到警署備案，問到為何在報道出街後沒即時澄清？她笑說：「初時以為係惡作劇或者有人黑心，冇做過唔使特登解釋！」本報昨日亦走訪Amanda位於中環荷李活道的「明石玉器˙首飾」店，卻發現拉上鐵閘，她強調店舖仍有運作，只是其拍檔要出埠入貨，故有客落Order才開舖。

Sing途載浮載沉

Amanda在80年代末，與區海倫組成女子組合Echo，以快歌搶灘。及後Echo解散，Amanda任電台主持，深受歡迎；94年時，憑《活得比你好》及《你沒有好結果》而爆紅，96年屬事業高峰期，橫掃樂壇獎項，更被捧為樂壇天后接班人！可惜紅歌不紅人，98年Amanda的事業開始走下坡，近年在娛樂圈幾近銷聲匿迹的她，只偶爾到內地登台及開設玉石店賺錢。