李詩韻鄭嘉穎變「吸金情侶檔」
鄭嘉穎與李詩韻拍新劇《拳王》而傳緋聞，無綫得知巿場對此受落，打算「撮合」二人做「吸金王」搵銀。《拳》劇亦將為他們加咀戲，監製羅永賢昨日承認：「佢哋個情侶感覺好有Feel，愈嚟愈有默契，加咀戲亦係情節有變化所致！」嘉穎則表示未收通知打造「情侶檔」：「冇所謂！不過我同詩韻只係一套劇合作，『情侶檔』需要兩至三套劇演情侶先有說服力！」而詩韻日前為《拳》劇拍雨中落淚戲，她自爆靠眼藥水催淚，並說：「拍咁耐劇今次最多咀戲！」
此外，無綫《魔法擂台》上周收視平均20點，無綫與廣管局昨日共接獲28宗投訴，指評判言論粗鄙、侮辱參賽者，無綫外事部副總監曾醒明表示，評判可能對參賽者要求嚴格；而《洪武三十二》結局周平均28點升1點。
無綫打造李詩韻與鄭嘉穎作情侶檔，為公司搵銀。