Justin嘔完開騷台迷嗌回水

17歲加拿大小天王Justin Bieber前日抱恙於台灣開騷，有Fans不滿演唱會時間不夠嗌回水，另一批粉絲則力撐偶像，場面混亂！

離開香港後，被指呼吸道感染未康復的Justin Bieber前日於台灣小巨蛋開騷，開場前他在後台嘔吐，結果延遲一小時才開唱，他即場沙冧：「對唔住，我病咗，嚟遲咗！」由於演唱會遲開，演出又不足兩小時，有Fans的家長完騷後要求退票，大罵是最差演唱會，又自覺被當成王八蛋！有Fans力撐偶像，雙方爆罵戰，有人激動落淚，抱作一團。

假音說話搞氣氛

騷前記者會上，Justin對於變聲後唱不到高音的傳聞，他說：「冇感覺到，唔擔心。變聲好似長高同賀爾蒙一樣，係自然過程，接受就係啦！」說罷即搞笑地以假音說話。早前他剪髮義賣高價成交，他笑說：「其實啲保鏢都係保護我嘅頭髮，唔係我。」又大讚女友Selena Gomez令他很快樂。

而昨日他已飛抵日本關西機場，為今晚假大阪的個唱準備，吸引約200名女歌迷接機。

此外，Justin上周於菲律賓機場被一名歌迷的父親拿着CD索簽名，他卻用手拍掉CD，被指不友善。