「菲版胡杏兒」似足賣牙膏

經過一輪篩選後，不少騎呢佳麗竟然繼續有得留低，「脹面張舒雅」骨瘦如柴但雙頰飽滿，跟身材不成比例，烏身影相時更不慎露出「小峽谷」，原來都是有料之人！曬得一身黝黑肌膚的「菲版胡杏兒」，對着鏡頭四萬咁口，一棚潔白牙齒跟其黑實皮膚相映成趣，賣牙膏一流。另外亦有一名佳麗戴眼鏡及着白色Tee，外表斯斯文文，十足十學校老師，真係「點解Miss係港姐」！首輪未見「曝光」的「娘爆江若琳」、「油面小雪」與「高挑楊采妮」等全部未經雕琢，未知經大會「整妝」及「變髮」後會否即時變靚，拭目以待！

「菲版胡杏兒」露出潔白牙齒，成為全身「亮」點。

「脹面張舒雅」烏身時驚鴻一瞥。

「Miss港姐」戴眼鏡示人，唔講以為係「放學ICU」新主持！