Vivian養翻生「周慧豹」

揚言不生育的周慧敏（Vivian）出席「澳門銀河TM」開幕禮時，自爆家中將添三名新成員，但不是人而是貓，其中一隻貓的出生日期，剛好是Vivian愛貓「周慧豹」去世的一天。

周慧敏與古巨基昨日擔任「澳門銀河TM」綜合度假城開幕典禮表演嘉賓，同場嘉賓包括呂慧儀、陳沛嘉、楊梓瑤、唐季禮、周柏豪、連詩雅，楊愛瑾、董敏莉、馬德鐘、馬浚偉、謝婷婷及黃柏高等，星光熠熠。

Vivian與基仔相當老友，她笑言今次一齊表演，感覺似與弟弟去旅行，並自稱二人是絕配拍檔，一凹一凸互補不足：「我性急，佢滋油淡定，有佢喺身邊我會好有安全感，佢又細心溫柔，會問我打咗底未？（基仔同佢另一半係咪絕配？）我唔敢講，亦唔敢答，但我相信佢眼光。」

對於近期發生的虐貓事件，愛貓如命的Vivian也有留意報道，並因此流淚，她坦言不明白為何有人會如此冷血。此外，Vivian開心地公布「人生大事」﹕「有三隻貓將加入我哋嘅大家庭，係老公喺網上搵，同周慧豹有血緣關係，其中一隻貓仲係周慧豹死嗰日出世，我相信係一個安排，三隻貓會喺七月到齊，已改咗名。」

呂慧儀輸「峰」頭

另一邊廂，身材出眾的楊梓瑤及呂慧儀雖然以V領裙到場，卻不及模特兒陳沛嘉（Balia）性感，睇頭欠奉。呂慧儀說﹕「我唔夠Balia嚟！佢係我師姐。我哋夾咗一個着紅，一個着綠。」至於楊梓瑤表示因病及忙於考試而消瘦。