樂瞳扮無辜冧仔煞食
最近人氣急升的樂瞳（Cilla）迷倒大批宅男，但一味靠甜笑好易睇到厭，所以表情多多的她教大家如何Chok樣冧仔，直言要時而扮惡時而無辜，才令宅男無從抵擋，難怪成為新網絡女神！她說：「前男友話我好多怪樣好搞笑，就算嬲嗰陣都照畀人笑！咁我都覺得多啲表情感覺親切啲，更加受男仔歡迎！」不過，原來Cilla得個講字，遇上心儀對象時會硬晒軚，活躍少女當堂變怕醜妹。
冧仔一式派飛吻
遇上心儀男仔一定要做主動，一招Sweet爆嘟嘴派飛吻，邊個頂得住？
冧仔二式無辜喊
多數男仔難敵眼淚攻勢，突然標淚加上無辜表情，男士豈有招架之力！
冧仔三式兇狠樣
如果喊樣都唔掂，試吓扼實拳頭喊打，可能釣到有被虐待狂嘅男仔o架！
冧仔四式蘭花手
情到濃時要搞搞新意思，不如變身古裝美人，同男友擺蘭花手吟詩，感情自然增進唔少！
冧仔一式派飛吻
冧仔二式無辜喊
冧仔三式兇狠樣
冧仔四式蘭花手