Bambi變身專業龍友Easy「執」

年輕人行到邊影到邊，又鍾意上網與朋友互通消息，模梁雅淳（Bambi）與林峯堂妹林夏薇亦不例外，最愛用手機的拍照及聊天軟件，貪佢可以邊行邊玩。Bambi表示愛用既能影相又能執相的軟件，推介一款名叫「Instagram」的Apps，因為功能極多，普通一幅相也可以變成專業水準，她說：「呢個軟件有好多Filer揀，而且每個效果都好靚，就算一張好普通嘅相經軟件執一執，即刻變成專業級水準。最正係張相可以Share畀朋友睇之餘，仲可以睇埋其他人嘅相，方便又好玩！」

林夏薇則愛用手機聊天室，悶悶哋可以隨時搵人傾偈，最愛用「TextMe」Apps，她說：「之前一直喺內地生活，所以大部分朋友都喺國內。依家喺香港要同佢哋聯絡困難大咗，好彩依家內地都好流行手機軟件，呢個軟件可以隨時隨地同佢哋Chat，仲係免費！真係好好用。」

Instagram

價錢：免費

簡介：提供多款濾鏡效果讓玩家將照片編輯，編輯後的照片還可上載與擁有相同軟件的朋友分享及讓好友品評，亦可以閱覽各地玩家所拍的照片。

TextMe

價錢：免費

簡介：介面漂亮，可利用手機數據網絡與朋友或世界各地的用家Send短訊，又可以自定美化聊天介面及分享照片與短片。軟件可自動從電話的聯絡人中尋找用家，方便搵人。