影展常客杜琪峯今年以評審身份現身康城，他形容今次心態似旅行，既享受又輕鬆：「九年來我嚟過六次，以前忙宣傳，一個問題答十次，呢次可以專心睇戲，獲益良多，眼界大開。（華語片今屆失威？）緩衝一下都好，近年啲戲太商業，商業同藝術平衡一下會好啲。」
阿杜又大爆老友徐克當年被刪戲的事：「香港遲啲會有個徐克電影作品回顧，估唔到佢三十年前一齣舊作嘅刪剪片段，竟然喺法國呢度搵得番，呢啲刪剪片段好珍貴、好有意義。」
好杯中物的杜琪峯笑言，大會提供的紅酒亦很OK。
