楊洛婷：豐滿度一見難忘
前港姐亞軍楊洛婷前晚出席廚具產品活動時表示，近日亦有留意今屆面試佳麗：「我睇相見到有一個女仔身材好豐滿，豐滿程度令我一見難忘！另外有幾個都幾靚！（影到個女仔食煙？）食煙肯定唔係咁好！（有咩Tips畀佢哋？）做番自己，要自然唔好作狀！好似我選嗰時咁，我係好爽、好男仔頭，唔會扮嘢或者扮Nice，仲有要聽教聽話，唔好遲到！」她更力撐港姐質素並沒每況愈下：「我選嗰屆啲人都係咁講，不過我覺得我嗰屆好靚！（上年CNN話港姐係豬扒盛會？）我唔認同，好似啲人話張嘉兒唔靚，我覺得佢好靚，佢真人好Sharp！港姐靚唔淨係表面，係發自內心o架！」
楊洛婷力撐港姐質素，更自誇她那一屆「好靚」。