梁靜茹襲港開騷玩性感

馬來西亞歌手梁靜茹（Fish）將舉行巡迴演唱會，她大讚香港歌迷幽默，反應熱烈，令她壓力大減，又揚言不介意老公上台，不過對於合唱就「耍手擰頭」，還大彈老公唱功不濟！

梁靜茹（Fish）即將來港開個唱，她透露今次有更多跳舞場面，有別於過往的演出，她坦言肢體一向不太靈活，但希望今次可以拋開束縛，盡情享受。問到來港開騷是否有壓力？Fish笑說：「唔會呀！上次（兩年前）開騷覺得香港觀眾反應好好，佢哋好幽默，我講啲唔係好好笑嘅笑話，唔知係因為我講嘢唔正定係點？佢哋都會笑。」Fish更率先預告歌衫不會叫人失望，因尺度較大，絕對比以前的更性感，希望可散發優雅女人味！

老公同樣錫歌迷

是次演唱，梁靜茹老公趙元同亦會來港捧場，問到會否擔心歌迷起哄要他上台？她說：「冇所謂呀！如果佢覺得開心，氣氛好都會上台o架！試過喺美國有Fans同佢講嘢，佢都會回應，都幾錫歌迷！（會合唱？）咁就唔得，佢唔係好識唱歌o架！（又唔係五音不全，唔緊要？）但佢都唔係幾全o架喇！喺屋企逼佢唱兩句都笑到停唔到，如果喺台上唱，我驚笑到唱唔到落去！」

學會放鬆自己

Fish亦大談過去，她坦言以前想自己解決所有事，以致壓力大增，經常發噩夢及磨牙，那時候的脾氣亦較差，幸好現已學會放鬆，讓朋友替她解憂，而老公更是她的情人知己。