陳嘉桓（Rose）最近工作相當忙碌，並積極跟楊盼盼習武，為即將舉行的慈善節目作綵排，她說：「我會演一段《白蛇傳》嘅戲，喺裏面飾演青蛇，因為有舞蹈又有動作場面，所以有一定難度！差唔多每日都要練習！（係咪好辛苦？）OK啦！練到手臂同大腿都有啲瘀傷！」
近年不少女孩都愛藉打功夫減肥，Rose習武已有一段時間，問到最喜歡練習甚麼？她說：「我幾鍾意打木人樁！因為可以練大力之餘，仲可以令啲肌肉更加結實，着衫都好睇啲！」
陳嘉桓最喜歡打木人樁，因為強身健體之餘又可收身。
