Lacee Lacey溝仔大不同

五人女子組合Lacee Lacey成員、前無綫藝員Chloe、Jun、Wesley、Yong及Halen希望以舞功在樂壇殺出重圍，故將跳舞新歌《秒殺》上載至分享網站，爭取網民「十卜」。新歌講述主動追求男生的感受，但只有Jun直認是主動派：「我從氣味去搵男人，因為我好鍾意古龍水味。有次喺公園跑步，聞到個外國男士嘅香味就追住人跑，不過唔夠佢跑得快！」至於Wesley則屬於半主動派，喜歡結識「聯合國」男士：「我作多方面嘗試，歡迎世界各地嘅人，我鍾意掟飛鏢，成日周圍飛去比賽，所以識到好多新朋友！」而在荷蘭出生的Chloe未被外國人的熱情薰陶，依然充滿中國人傳統的男追女思想：「我又信一見鍾情，不過我個樣寸，嚇走唔少男仔！」此外，較文靜的Halen及Yong則直言是傳統派。

女子組合Lacee Lacey的成員性格各有不同，但經過半年特訓後默契大增。

成員Jun及Wesley會主動溝仔，另外三位則是「等愛的女人」。