「E Cup官恩娜」Alina線動宅男

寫真界新人輩出，今年就有重量「Cup」o靚模面世，冬甩新成員「E Cup官恩娜」Alina（何綽菲）打正旗號以性感作招徠，希望先以「事業線」吸客，再引領宅男參透其內心世界！

集薛凱琪天使面孔、官恩娜魔鬼身材於一身的Alina，坦言不介意被稱「老翻」：「十幾歲開始就有人話我似薛凱琪，官恩娜係近來先有人話似。其實兩個都係靚女，畀人話似佢哋都開心，不過希望啲人遲啲可以嗌到我個名！」擁E Cup身材的她，歡迎宅男的眼球先集中在其「事業線」：「好多女星起初都先靠外表上位，最緊要觀眾之後慢慢發掘我嘅內在美！」

擁巨肺唱爆咪

15歲加入模界的Alina，曾因專注學業而減少接Job，近年才決定「東山再起」，簽約新經理人公司重新出發：「因為覺得自己仲有得做，想趁後生再搏殺！行性感冇所謂，最緊要影出嚟健康！」未知「巨肺」是否真的有助唱歌？跟G.E.M.一樣擁有「巨肺」的她，唱功同樣了得：「我平時唱K都嗌爆肺，啲朋友都話我可以參加《超級巨聲》，不過我就有少少驚！」