黃婉曼入TVB面試被嘲豬扒

由「天氣女神」轉型做主持的黃婉曼，日前接受《娛樂on Show》訪問暢談今年出書做才女，還自爆「醜」事！被指在節目疑似爆粗的她受訪時「歎慢板」，慢慢講以防再出洋相。

熱爆網站ontv的娛樂新聞詳盡豐富，獨家消息及追蹤新聞甚具話題性，更有紅星名人的深情訪問，難怪點擊率爆燈！日前黃婉曼（Icy）接受由俞詠文與周吉佩主持的《娛樂on Show》訪問，三人邊食火鍋邊閒談，氣氛融洽。

慢慢講防誤爆粗

入行後，Icy坦言感受到網絡世界的力量：「曾經聽到唔同聲音，當中亦有啲負面批評，實有人唔鍾意自己，壓力都幾大o架！試過瞓得麻麻，如果有啲係鬧得啱嘅，我都會改。」記得Icy早前在節目內講「點解你」疑似爆粗，故她受訪時每當提及「點」字時也格外留神慢慢講，以免再出洋相。當初由「天氣女郎」轉型至現時擔任主持，她最近更加入才女行列出書，她說：「我只想話畀後生一輩知道，有目標嘅話，好多嘢都可以做到嘅。」

除了暢談近況，Icy又自爆瘀事，指五、六年前入TVB面試時曾被監製嘲「豬扒」：「其實細個媽咪抱我出街食飯時，其他阿姨見到我都話：『你個女咁醜樣嘅？』（好Hurt？）又冇喎！冇乜所謂，唔會點樣理。」