黃宗澤踩杏兒廚藝渣

黃宗澤昨日應小儀及金剛邀請到長沙灣的食店錄影《街坊廚神》煞科，到場才知道要煮蝦，他自嘲衣着顏色似蝦，配合食材。問到緋聞女友胡杏兒的廚藝？他毫不留情地說：「佢唔識煮，一『Pet』屎，手勢有待改進，最拿手炮製打邊爐，要跟美女廚神小儀學。（扣分？）慢慢學，廚房一山不能藏二虎，一搞我就起弶，中西菜都煮。」問到是否拍攝《衝上雲霄》續集？他指公司正構思故事，未確定，他謂想原班人馬拍攝，但事隔多年要找吳鎮宇演出實在有難度：「不如搵黃秋生，兩集都有兩大影帝，斟影后客串都好。（陳鍵鋒被飛？）高層決定，原班人馬好啲。（林峯取代佢？）傳吓！我有冇份都未知，可能冇我。（同杏兒情侶檔？）睇古仔。」

黃宗澤坦言杏兒廚藝唔掂，有待改進。