崔建邦被炒魷 祥仔嘆可惜

黎耀祥、張可頤、陳茵媺、徐子珊和沈卓盈等，前晚出席無綫劇集《法證先鋒III》煞科宴，吳卓羲因在內地拍劇而缺席。祥仔透露與可頤夾份設六席宴客，對於鄧萃雯批評無綫製作慳水慳力，祥仔認為雯女「愛之深、責之切」：「佢不嬲認真，提出意見係好，佢係緊張製作，布景嘅嘢好難講，要就劇情，又有唔同設計師，大家都盡力做好件事，邊度有劇係冇Budget任用呢？」

另外，有指崔建邦被無綫辭退，祥仔亦大嘆可惜：「欣賞佢口才同轉數，好多人都試過Cut雙白線同衝紅燈，作為公眾人物要好小心！」《法》劇令蕭正楠和陳茵媺、吳卓羲和徐子珊爆緋聞，可頤則自嘲與祥仔冇緋聞輸晒，早前報警稱遭非禮的沈卓盈則悶悶不樂。

祥仔（左起）和張可頤夾份請陳茵媺及徐子珊等演員食飯。