黎明划艇籌款大汗疊細汗
昨日黎明到白石角碼頭划艇籌款，情商朋友借出遊艇：「我練咗六個鐘，我天分唔高，只求唔好翻艇，其實翻艇冇乜嘢，就翻就翻嗰下最痛苦。（打晒底防濕身？）冇喎！我冇預會翻艇！（買遊艇？）借咪得囉！只要有借有還，再借就唔難！」對於被指斥逾億元在上水買樓，他說：「我未睇報道，冇回應！好多香港人都有買樓潮，我就冇嘅。（買樓？）都係正常投資，量力而為，我覺得做人最緊要活得開心，知足常樂，不過投資都在所難免，因為錢係會貶值。」最後他為遷就拍攝需要，一來一回共划了八百米有多，烈日下划到大汗叠細汗的他，多番掏出手巾抹汗，岸上圍觀的Fans見狀即大聲尖叫。
黎明落力划艇籌款，誠意可嘉！
大汗淋漓的黎明，要不時抹汗。