踢爆最識食 Chilam驚咗阿Sa
蔡卓妍（阿Sa）與鍾欣桐（阿嬌）前晚「合體」錄影節目《華麗明星賽絕地反擊戰》，兩人表示為慶祝Twins出道十周年，將會出寫真、錄歌及搞Fans聚會，短期內會孖住現身！Twins合體出擊，令對手張智霖（Chilam）不敢掉以輕心，他說：「最大對手係阿Sa，佢好識食！係食家！（邊方面？）真係食嘢嗰啲呀！」他表示想勝出比賽與老婆袁詠儀（靚靚）再鬥過：「贏咗有得再上嚟玩，我要同靚靚決一死戰！」而阿Sa則否認是食家，謙稱對比賽沒有信心：「我有好多嘢都冇食過o架！最驚係玩擺甫士，我同阿嬌都冇記性冇方向感！」不過，最後她在遊戲全中八個，阿嬌亦中七個，成績甚佳。
前晚是節目特別版，主持草蜢落場一齊玩，司儀則由鄭裕玲擔任，事前草蜢聲明不接受訪問，現場所見早前涉醉駕的蔡一傑甚為活躍，走上觀眾席派照片，引得Fans大叫「靚仔傑」，令他笑逐顏開，似乎心情已回復！
Chilam擔心不敵阿Sa，只好全力以赴。
蔡一傑表現興奮，心情不受影響。
草蜢三子落場玩，由鄭裕玲做司儀。
阿Sa與阿嬌Chok行樣擺甫士，相當搞笑！
