學友接受示愛男女通殺
張學友昨晚舉行尾場演唱會，下午在紅館場外拜神，逾百Fans曬足一粒鐘睇偶像，有熱情男Fans還高叫：「我愛你！」心情興奮的他主動走近Fans堆，站在鐵馬上趴前握手，Fans紛紛送上禮物，十分哄動！對於有男Fans示愛，學友笑說：「好多！男女冇所謂。（老婆羅美薇睇足20場？）佢睇咗一場，今晚唔嚟，係咪好失望呢？之前媽咪都睇咗一場，見到媽咪我緊張啲，同佢飛吻完唔記得歌詞，企咗喺度，個腦一片空白、呆咗。（見到老婆一樣緊張？）睇唔到老婆坐喺邊。」
問到母親節如何慶祝？學友坦言沒有時間，只封利是給媽咪，自嘲市儈的他還要勞煩媽咪幫手湊女。問到如何跟老婆慶祝？他說：「直頭冇添！不過冇詐型。」見他爛嘴角，他表示因做騷辛苦，搽藥膏後已差不多痊愈。
演唱會臨近尾聲，學友笑得開懷。
學友走近握手，氹得Fans開心不已。