呂慧儀Call友陪睇跌打免蝕底

無綫咪神呂慧儀昨日到坑口「賣奶」出席淡奶活動，以超低V性感造型上陣的她，大晒「事業線」，名副其實「賣奶」！被問到酬勞是否很高？她說：「唔關事！只係應廣告商要求少少性感，唔好淨係講錢，件衫都襯番佢哋嘅主題！自己平日都好密實，只係工作先穿得性感少少！」她又透露主持的飲食節目《越夜越美味》添食，又大呻因主持節目而增磅不少：「希望喺夏天之前減10磅，為泳衣Job做好準備！」

麥包北上拍劇

對於同列「咪神」之列的沈卓盈報警稱遭中醫師非禮，呂慧儀大讚她勇敢：「我有Send短訊安慰佢，但係都唔敢問得深入，怕勾起佢啲傷心事，佢都有回覆『多謝關心』！」她直言每次看跌打均會找家人陪伴在側，盡量避免不愉快事件發生。

此外，同場的麥長青（麥包）透露將效法佘詩曼到內地拍劇搵人仔：「今次係得老友陳浩民帶挈，遲啲會返內地拍兩套電視劇搵銀！老婆都會陪我上去，但唔係(目及)實我囉！」他坦言因不想老婆獨守空幃而曾推掉不少內地劇：「以前都好多朋友叫我返去拍劇，但我唔想掉低老婆，亦唔想長期喺上面，所以冇去！依家等佢哋打好晒天下，我　撈都易啲！」問到會否擔心如莫少聰般受不起引誘吸毒？他說：「你當我傻咩？我喺呢行廿幾年，我淨係嚟賺錢！其實都要睇你群乜嘢人，總之我班朋友OK嘅！」