陳嘉桓任瘦身代言人 峯都縮埋

林峯緋聞女友陳嘉桓為王賢誌三皇集團旗下的瘦身產品擔任代言人，身穿晚裝裙的她騷胸又晒腿，更大讚產品功效佳！

陳嘉桓昨日以代言人身份為王賢誌三皇集團旗下的「當糖輕．當堂瘦」拍攝廣告硬照，更邀得本地時裝設計師何國鉦設計造型，包括便服、泳衣與晚裝等。問到可滿意酬勞？陳嘉桓說：「有六位數字酬勞好開心！」更賣口乖大讚產品功效顯著，試了個幾月便瘦了六、七磅。問到有否瘦胸？她亦直認不諱：「少少！（使唔使換過Bra？）唔使，夏天我都係着運動型嘅Bra。」

忙到冇時間拍拖

至於會否向緋聞男友林峯推介產品？她尷尬地說：「唔使，佢咁弗！（佢為開演唱會減緊肥喎！）係咩？我唔知！（冇聯絡？）唔使聯絡！（係咪敏感時期唔聯絡？）我自己忙到連好多朋友都冇聯絡，食飯都冇時間！」記者直接問她是否冇乜事都不與林峯聯絡時，她不置可否，更一度扯開話題，經記者再三追問下才無奈地回答：「提番我好啲！我希望人哋留意自己工作。（劃清界線？）唔會聯絡。（佢係咪你朋友？）工作拍檔，冇話係唔係朋友，做好自己工作先。（呢一、兩年唔拍拖？）唔想去諗拍拖，我工作忙都冇時間，總之工作行先。」