吳卓羲前日透過唱片公司發聲明，表示已就失實報道發律師信，更斥內容完全超出其底線，故誓要站出來討回公道，而涉及事件的兩位姐仔，繼徐子珊出言力撐後，馬賽昨日也表示全力支持。
馬賽坦言報道過分，她的家人及友人看過後也有同感，認為此舉對涉及的三位藝人均有影響：「特別係吳卓羲傷害最大，好唔公平，所以我支持佢用法律途徑追討，其實我同佢係普通同事，第一套劇同佢合作時學到好多嘢，就好似師兄咁。舊年有報道寫我哋已經唔開心，根本就係憑空作嘅，今次仲過分，係唔正常嘅娛樂報道。」