Alice B.滿意B Cup拒隆胸
前晚出席Belvedere BEAT 2011派對的英泰混血名模Alice B.，即場展示腳踝紅腫的傷勢，原來早前醫生為她捽腳時，痛得她呱呱叫！她說：「醫生要我睇四次，每次診金四百蚊，我諗佢係想賺我錢多啲，唔知睇多次係咪可以打折？」她又表示小時候曾想有大胸：「依家我反而好滿意，B Cup is perfect for me，如果有人話我胸細，只會當佢唱歌。我唔會做隆胸手術，雖然倫敦好多名人都會整，但我覺得唔好睇，有條疤始終全部人都知有過隆胸，同埋隆胸會影響餵人奶，違反自然。」至於前男友有否投訴她的胸不夠大？她笑說：「佢鍾意我胸細，我諗100萬人入面只搵到一個係咁！」
Alice B.抗拒做隆胸手術，男友亦不介意她胸細。