唐詩詠 呂晶晶爭仔

唐詩詠近日秘密與無綫藝員黃嘉樂「搭上」，但原來他早已與同經理人公司、並與亞視高層傳緋聞的呂晶晶暗地撻着，更被拍得齊齊返閨，四角戀一觸即發！

以「兄妹」相稱的唐詩詠與無綫藝員黃嘉樂早前傳出緋聞，但未有承認，有指詩詠與崔建邦分手後，與一直有好感的黃嘉樂成功「翻撻」，可是因崔建邦的「教訓」後，一直都未敢去盡。不過，嘉樂原來與同經理人公司的呂晶晶擁有一段「非一般關係」！加上晶晶早前傳拍拖的亞視靚仔高層盛品儒，演變成複雜的四角戀。

做「柴可夫」管接送

日前，記者拍得嘉樂與晶晶跟一名男友人於尖沙咀吃飯，言談甚歡，其後兩人乘的士離去，直駛嘉樂位於何文田的住宅停車場。取車後，嘉樂做「柴可夫」載晶晶返位於大圍的寓所，但返家後未見他離開。

記者昨日致電呂晶晶，問到是否與黃嘉樂拍拖，她說：「梗係唔係啦！我哋識咗兩年，大家係同一間經理人公司，所以變成好好嘅朋友。佢因為有車，好多時一齊做完嘢後都會車埋我返屋企。（唔怕人誤會？）冇諗過，自己冇呢啲戒心。」還坦言對方不是「自己杯茶」，但因傾得埋，故不時相約飯局。問到嘉樂上訪香閨，晶晶說：「有時佢車我返屋企，都會叫佢上嚟飲杯茶，我有兩、三個異性朋友成日上嚟。唉！咁我以後都避忌啲，唔敢叫佢再車我。（知佢同唐詩詠拍拖？）唔知喎！我哋都一齊食過飯，但真係睇唔出。」至於盛品儒是否「真命天子」，她則笑說：「梗係唔係啦！」至於另一男主角盛品儒亦拒絕回應有關緋聞，唐詩詠仍未有回覆。

怕「見光死」急否認

記者昨日亦向黃嘉樂求證，他於電話中說：「我同晶晶只係好好嘅朋友，人哋一個女仔喺香港，身為朋友幫吓人啫！呢個係有風度嘅行為，大家唔好諗太多！（發展機會？）可見嘅將來都應該冇乜可能囉！我高攀唔起。」提到另一緋聞女友唐詩詠，嘉樂表示只視她為妹妹：「我做咗十年，同詩詠識咗咁耐，如果真係要拍拖，一早喺埋一齊啦！」

飛躍中女

唐詩詠（30歲）

三　　圍︰32A、24、33

曾得獎項︰10年《萬千星輝頒獎典禮》的「飛躍進步女藝員」

演　　出︰電視劇《當四葉草碰上劍尖時》、《鐵馬尋橋》、《Only You只有您》等

亞姐咪神

呂晶晶（27歲）

三　　圍︰34C、24、35

曾得獎項︰04年亞姐冠軍、03年西湖博覽會的「金花小姐」

演　　出︰電視劇《法網群英》、《香港GoGoGo》等