馬賽子珊力撐 吳卓羲有骨氣：唔使女人錢！
這邊廂陳豪緋聞多多，同劇拍檔吳卓羲（Ron）亦是非不絕！被指與馬賽同居兼偷嗒徐子珊的他，昨日宣傳新劇時嚴正澄清：「我同馬賽唔熟，絕對冇同居！佢都唔係我喜歡嘅類型，我連佢電話都冇！我哋絕對唔係朋友，只係同事！（講到咁絕？）因為報道講我用佢啲錢！我唔知佢有冇錢，有冇都唔關我事，好介意畀人話食軟飯，我賺到錢，唔會使女人錢！」
至於徐子珊昨日出席美鑽活動時，否認與Ron拍拖，雙方只是「好兄弟」，並笑言緋聞則當是宣傳。對於Ron被指專溝姐仔，子珊說：「戥佢好唔抵，唔覺得佢花弗！平日食飯都係AA制，絕對冇咁嘅事！」當被要求發誓證明沒有與Ron拍拖時，她只說：「呢啲傳到麻木晒喇！」而馬賽亦透過電話斥報道失實，並澄清雙方只是朋友：「希望對佢公平啲，唔好亂寫！」
吳卓羲激動否認與馬賽同居。
徐子珊力撐吳卓羲唔花弗，既然如此，伊人何不將錯就錯認真發展？
子珊與新鴻基地產代理有限公司租務部總經理鍾秀蓮（左）祝酒。