古巨基昨日與小儀及模特兒Alice B.出席活動，基仔被要求選出心中王后，小儀自嘲「車仔麵」，反獲基仔憐憫揀做王后，並說：「以前女友同小儀差唔多Size，搵到初戀感覺，而且揀女友都係中國人啱啲。」
有傳無綫偏幫林峯，令基仔在前晚的《2011勁歌優秀選第一回》食白果，基仔直言曾度期參與：「之前去蘇州拍劇，公司亦有叫我Mark期返港，有冇獎係頒獎先知，尋日變相放假去咗睇學友演唱會。（冇獎？）唔介懷。」他還力撐林峯勤力，但拒談對於年底頒獎禮的信心。
古巨基當着Fans面前揀小儀做王后，小儀即作狀回吻。
