鍾舒漫昨日和洪卓立出席裝置藝術比賽決賽日，她透露讀書時代，經常幫同學做美勞功課，曾畫小漫畫氹心儀對象：「諗起都起雞皮，嗰陣唔敢示愛，都係氹佢開心，但最後失敗咗。」洪卓立則自爆童年時畫畫會發脾氣：「畫人似馬騮，畫魚似舊雲！有本漫畫用我個樣做主角，日本編輯話我個樣好漫畫，裏面仲有鍾舒漫同陳偉霆。」
