羅仲謙懶理傅穎新戀情
羅仲謙、周柏豪、鄭融及王敏德昨日出席活動宣傳防火訊息，謙仔更與現職消防員比併掌上壓：「入行前打算考消防，但咁啱有機會拍戲，如果消防好似警察咁有輔警，自己都想做。」將與佘詩曼及方力申於電影《人約離婚後》中合作的他透露，角色比較情深卻少肉搏場面，另外提到傅穎（Theresa）與葉文輝（啤梨）傳緋聞，身為Theresa前緋聞男友的他坦言：「有睇到報道，但交畀佢自己講好啲，同佢一直都係朋友及同事（冇關心對方戀情？）唔需要咁八卦，佢係個好有主見嘅女仔。」
至於陳山聰被揭赴英陪超雲，柏豪封嘴拒回應：「同事有講，冇回應（祝福佢哋?）都係冇回應喇！」而鄭融被問到會否考慮與消防員拍拖，她笑言擇偶首重眼緣。
羅仲謙（右起）與鄭融、周柏豪一同出席活動宣傳防火訊息。
王敏德站在雲梯上，擺出型仔甫士。