雷凱欣冇影石詠莉攝位攻陷旺角
石詠莉與配音員Vienna等昨日殺入旺角街頭，為《3D肉蒲團之極樂寶鑑》香港票房直逼三千萬元謝票，期間導演等更當眾「跪拜」答謝影迷支持，場面墟冚。石詠莉表示為該片唱主題曲得多於失，刻下網上點播率達百萬次，被問到會否參演續集時，她說：「我屋企比較保守，會堅持三點不露，睇吓公司畀咩角色我啦，最好安排我反串。」
談到雷凱欣失蹤，石詠莉透露已與對方取得聯絡﹕「佢壓力好大，搞到佢屋企人覺得好煩囉，況且佢真係啱啱拍拖咋，大家畀多啲空間佢啦！」（佢居住環境好複雜？）我都覺得好危險，有勸佢快啲搬走，不過佢話睇吓點先喎。」而雷凱欣晚上則於自己微博留言，承認因情緒問題才缺席宣傳活動。
石詠莉（左）與Vienna在旺角街頭大派紙巾宣傳。
蕭定一（左一）率領一班戲中演員，跪地謝票。