姜皓文：佢個女好擔心！
亞視藝員姜皓文（黑仔）與孫興分屬老友，早年更齊齊參選首屆《電視先生》，黑仔得悉孫興涉藏毒被捕後，日前即致電對方在港居住的女兒，希望能透過孫興親人予以幫忙，他說：「我哋都好關心佢，想幫手但又唔知做到啲乜！我打過電話畀佢個女，佢個女都廿幾歲喇，其實孫興同個女關係好好，行埋好似情侶。今次出事，佢個女都好擔心，只係講冇咩新進展亦冇新消息！」對老友染上毒癮，黑仔大感心痛：「佢啲癮藏得好好，我都唔知佢有五年毒癮，如果有壓力可以搵第二啲方法減壓，我見到佢一定會叫佢戒，否則連朋友都冇得做！」
