駱達華唔Mind執二攤
孫興在北京因涉毒被捕，原定參演的內地電影《給野獸獻花》因而急急易角，找來駱達華接替飾演警察一角。身在橫店的達仔昨日接受長途電話訪問時表示，早年曾跟孫興碰過兩、三次面，覺得他人緣好及樂觀，故得悉對方有五年毒癮後深感震驚。他又慨嘆吸毒能摧毀人生，希望孫興視今次事件為一個教訓，重新振作。達仔說：「佢染毒癮我都跌眼鏡！希望件事快啲過去，佢亦唔好再掂呢啲嘢！因為咁樣會摧毀佢嘅演藝生命，雖然佢人際關係好好，但今次件事揚咗，估計佢都要抖抖先可以再復工！（介唔介意執二攤？）唔介意，不知幾開心，好多年都冇拍電影，同吳孟達、林雪合作得好好！」