靚靚Chilam冇話兒華倩獨撐
莫少聰昨晨獲釋並在微博報平安，不少好友均在網上留言關心，反觀與聰仔同日被捕的孫興，不但沒有於同日獲釋，更被傳再拘留5天或已被送往戒毒所，連早前曾力撐他的好友亦紛紛「潛水」，可謂黑開有條路！曾於出事後「十卜」孫興的好友張智霖（Chilam），電話昨日無人接聽。而曾與孫興合作《笑傲江湖》及《花木蘭》的袁詠儀（靚靚），昨日亦聯絡不上，看來「冇人冇物」的孫興有排愁！
不過，曾與孫興合作拍劇的曾華倩則「雪中送炭」：「我同孫興第一套合作係台灣劇《希望之鴿》，亦係佢喺當地走紅嘅代表作。之後我哋雖冇聯絡，但當然都關心佢，印象中孫興好搞笑同開朗，所以知佢有毒癮我都好愕然！希望佢經過今次件事可以有領會同反省，其實佢年紀唔算大，可以重新面對人生，希望佢冇事！」
靚靚及Chilam均與孫興相熟，事發後亦曾力撐老友。（資料圖片）
曾華倩