洪欣冷淡拒祝福
莫少聰在北京獲釋，但同樣身處北京的舊愛洪欣卻表示不知情，並揚言沒有留意阿聰的博文：「一直冇聯絡。（有咩同佢講？）冇咩好講，唔會突然想搵佢，希望佢冇事。」問到會否送上祝福，她說：「我一日拍十幾個鐘，瞓都趕唔切，邊有時間理其他嘢！」對於兒子莫鎬廉改名為「張浩鋒」，她表示兒子向來愛改名，新名亦是其意思：「佢好鍾意爸爸個『鋒』字嘅音，但身份證冇改。（講畀阿聰聽？）唔會喇！」
至於另一舊愛上山詩鈉受訪時表示，未聯絡上阿聰：「佢出番嚟我好開心，我覺得佢好無辜，佢咁正派健康，如果真係Take Drugs，點會年年都咁有氣力跑馬拉松？個樣仲Keep得咁好？（傳佢去外地避靜？）阿聰信佛，去靜吓唸吓經係好事。佢咁多年都冇咩負面新聞，今次真係好唔抵，我衷心希望佢有Happy Future！」她還在微博以「Oh Dear」稱呼阿聰，並叮嚀他好好照顧自己。