鄧穎芝伸脷惡相 嚇怕追求者
近年興起一股Chok樣潮，不論男女老少，影相時例必Chok個靚樣，不說不知，貪玩的鄧穎芝（Vangie）原來有鋪Chok樣癮，手機存有近百張Chok樣靚相，當中的睡衣Look令人想入非非，但其兇惡伸脷照則難免嚇怕追求者。
在眾多Chok相中，Vangie較喜歡攬住公仔自拍，她說：「影得好自然，唔係次次都要Chok，不過有時自拍會好自然擺咗Chok樣。」問到有否穿三點式Chok樣？Vangie想了想說：「應該冇，曬太陽或出海玩都好少影相，有都唔會喺手機，萬一唔見咗就慘喇！」
「呢張係活動後返屋企準備沖涼前自拍，見啱啱換咗睡衣、妝又未落，咪趁機Chok住影囉！效果都幾好吖！」
「最鍾意就係呢張，可能平時太Chok關係，唔搞咁多嘢係最自然，真正流露出自然美。」
「參加一個派對時，有個朋友喺我面上畫咗個心，見咁得意咪影低佢囉！呢個樣都唔係好Chok啫！」