糖妹釣魚考耐性定力

唱作組合糖兄妹成員「糖妹」Kandy最近人氣急升，成為宅男寵兒，而Kandy近日迷上iPhone的「Flick Fishing」遊戲，她表示這個App玩法甚為困難，頗考耐性及定力，她說：「因為個遊戲係模擬釣魚情況，好有真實感，我要好大力揮動部iPhone，好似揮魚竿咁，仲要睇埋力度同風向，就算真係釣到魚，都要慢慢釣上嚟，成個遊戲好嘥力同考耐力，但釣到嘅話就好有滿足感。」

同樣是唱作歌手的王梓軒，最近下載了WorldCard的App，可將公關、傳媒朋友的卡片記載在iPhone內，十分方便，王梓軒說：「呢個App最大用途係我唔使帶卡片套出街，而且佢會將電郵、電話號碼同姓名分類，方便我去搵，真係唔錯。」

Flick Fishing：0.99美元（約8港元）

攻略：可選擇不同海域釣魚，恍如置身實景，跟電腦或其他玩家對戰，鬥釣魚的數量及重量，若然在每個海域內，釣到指定類型魚類，便可以過關到第二個海域繼續挑戰，而釣魚難度亦會相應提高；要留意力度及耐性，不能操之過急。

WorldCard：9.99美元（約80港元）

攻略：以實用性為主，先用iPhone影低卡片，而軟件會自動將之分類，並儲存入手機聯絡人，搜尋時相對方便快捷。