陳茵媺順晒氣買衫扮靚

雖然陳茵媺（Aimee）被陳豪舊愛廖碧兒暗指是「小三」，不過經陳豪在電台開腔澄清後，心情頓時靚晒，連帶前日出席活動時亦心情靚絕！前日Aimee出席宣傳活動後，獨自拖篋出巡尖沙咀搜羅靚衫，就算沿途有記者在場亦未有反感，更主動向記者微笑揮手，態度親民！未幾，她甫進名店後，主攻新到裙款，對一條白色Tube Dress大感興趣，不時在鏡前打量，行畢全場後，便跟隨店員由秘道離開，繼續到其他地方閒逛。

另外，昨晚陳茵媺出席跑馬地馬場舉行的女皇盃活動，她表示雖沒有時間看威廉王子大婚，但大讚王子是女士的Dream Man，問到陳豪是否其Dream Man？她卻不置可否：「冇特別規定，總之最緊要相處舒服，性格好唔好。」她再次否認跟蕭正楠拍拖，澄清大家是工作夥伴，問到會否介意和陳豪情侶檔合作？她說：「如果公司安排，唔會介意同同事一齊出嚟。（陳豪只係你同事？）係朋友！（如果蕭正楠同陳豪追你揀邊個？）唔好問啦！陳豪係好好男人，畀啲時間我認識呢個朋友啦！」同場的名模Jocelyn和老公Anthony亦沒有睇王子大婚，但Anthony笑說王子結婚令很多女士心碎，而邱李茂琪則表示因習慣午睡故沒有看婚禮直播。