志偉飲酒遭落藥底褲見紅

曾志偉昨日力撐莫少聰，戥他因應酬而涉吸毒闖禍感不值。他承認返內地工作很危險，經常被「大佬」召入房「隊酒」，又試過遭人在酒內落藥。

剛從加拿大返港的曾志偉，隨即出席珠寶店開幕禮。對於有指莫少聰昨日獲釋，志偉力撐說：「睇報紙係咁講，我知佢唔係慣性吸毒者，應酬吸幾下都幾慘。佢其實好健康，又跑步又學佛，但佢扣留呢幾日某程度上都係好事，畀時間佢反思，希望盡快出嚟投入工作。」

大佬逼飲口水尾

提到不時到內地公幹，見慣世面的志偉承認很危險：「成日畀人叫入房，最危險係入房嘅路程，因為中間有好多房，啲人會話：『我大佬叫你入去！』但根本唔知咩人係大佬，又將自己飲過杯嘢遞埋嚟，入到房真係好烏煙瘴氣。樣樣嘢都試過晒，好彩對我冇特別傷害。」志偉還自爆最難忘的是曾遭人在酒內落藥：「有次喺新加坡參加好友生日派對，飲咗兩啖酒就瞓咗，原來有人放咗兩粒藥落杯酒度，瞓醒成條底褲都係茄汁！又有次去應酬，原本間房得三個人，瞓醒竟然有一百二十幾人。」

至於有傳孫興踢爆內地吸毒藝人名單，志偉說：「親口講？如果係會累死好多知名藝人，呢件事搞到好多藝人要澄清。（內地歌手孫楠出聲明？）攞住支槍隊住我都唔信佢吸毒，佢不知幾健康同享受人生。」